Ronaldonun şəkli tualet kağızında - Şəkillər
"Napoli" azarkeşləri Kriştiano Ronaldonun "Yuventus"a keçidinə etiraz olaraq etdiyi hərəkətlə diqqət çəkiblər.
Qol.az-ın yerli mətbuata istinadən yaydığı xəbərə görə, bəzi azarkeşlər portuqaliyalı hücumçunun şəkillərini tualet kağızının üzərinə yapışdırıblar. Onlar həmin tualet kağızlarını dükanlarda satmağa başlayıblar.
Xatırladaq ki, "Napoli" azarkeşləri bundan əvvəl eyni hərəkəti "Yuventus"a transfer olunan sabiq futbolçuları Qonzalo İquain üçün də etmişdilər.
Qeyd edək ki, Ronaldo bu ay 112 milyon avroya "Real"dan "Yuventus"a transfer olunub.
