Mahmud Vaezi: "Tramp 8 dəfə Ruhaniyə zəng edib”

APA-nın Tehran bürosunun məlumatına görə, bunu İran Nazirlər Kabinetinin iclasından sonra prezident aparatının rəhbəri Mahmud Vaeizi deyib.

M. Vaezi ABŞ-ın Hərtərəfli Birgə Fəaliyyət Planından çıxmasından sonra yaranmış vəziyyət və ABŞ-ın İran əleyhinə təbliğat aparmasından danışıb: "Tramp bildirib ki, iranlılar bir neçə dəfə müzakirə üçün əlaqə yaradıb. Lakin tam əksi olub. Ötən il prezident BMT Baş Asambelayasının iclasında iştirak etmək üçün Nyu Yorka getdiyi zaman Tramp prezident Həsən Ruhani ilə görüş üçün 8 dəfə zəng edib. Həqiqət budur, deyilənlər isə fərqlidir. İran şəffaf siyasət yürüdür və ABŞ-la bağlı mövqeyimiz tam aydındır”.

M. Vaezi Nazirlər Kabinetinin bəzi üzvlərinin dəyişdirilməsi məsələsinin gündəmdə olduğunu vurğulayıb və deyib ki, əlverişli şərait yarandıqda bu dəyişiklik baş verəcək: "Dəyişiklikləri prezident özü elan edəcək. Dəyişəcək nazirlər arasında iqtisadiyyat sahəsində çalışan məsul şəxslər də olacaq”.