Vladimir Putin Fox News
kanalına müsahibə verib
Rusiya prezidenti Vladimir Putin ABŞ prezidenti Donald Trampla bağlı hər hansı gizli məlumatının olduğunu inkar edib və Rusiyanın 2016-cı il ABŞ prezident seçkilərinə müdaxilə etdiyinə dair iddiaları "gülünc” adlandırıb.
Putinin Fox News kanalının müxbiri Kris Uollasa verdiyi müsahibə Rusiya liderinin Helsinkidə Trampla görüşündən sonra yayımlanıb.
"Bizdə onların əleyhinə heç nə yoxdur. Mən prezident Trampı təhqir etmək istəmirəm, bu söylədiklərim də bir az kobud səslənə bilər amma o, prezidentliyə namizədləyini irəli sürmədən öncə, bizi maraqlandırmırdı”- deyə, Putin bildirib.
Putin Uollasın xüsusi prokuror Robert Müllerin 12 Rusiya rəsmisimə qarşı irəli sürdüyü rəsmi ittihamlarla bağlı sualına cavab verməkdən imtina edib.
Rusiya lideri sammiti Qərbin uğursuz Rusiyanı təcrid etmək cəhdlərindən sonra "yolun başlanğıcı” adlandırıb ("Amerikanın səsi").
