Fevralın 14-də Cəlilabad rayonunda Müsavat Partiyasının zona müşavirəsi keçirilib. Bu haqda "Basta”ya partiyanın Mərkəzi İcra Aparatının rəhbəri Gülaga Aslanlı məlumat verib. Müşavirədə partiyanın Cəlilabad, Biləsuvar və Masallı rayon təşkilatlarının fəalları iştirak ediblər.
İcra Aparatının rəhbəri Gülağa Aslanlı və Müsavatın Divan üzvü Rafiq İsmayıl ölkədəki ictimai siyasi vəziyyət və partiyanın qarşısında duran vəzifələr haqqında məlumat veriblər. Yerli təkilatların rəhbərlərinə yeni təlimatlar çatdırılıb.
Toplantıda həmçinin Masallı rayon təşkilatının sədri Xasay Fərzulla, Müsavatın Məclis üzvü Rüfət Baxışbəyli, Cəlilabad rayon təşkilatının sədri Akif Bədirli, Biləsuvar təşkilatının sədri Yusif Mehdi, Cəlilabad rayon təşkilatının NTK sədri Rüstəm Rüstəmov və partiyanın keçmiş deputatlığa namizədi Azər Əsgərov çıxış ediblər.
Müsavat Partiyası həftə boyunca Azərbaycanın bölgələrində zona müşavirələri keçirib. Bundan əvvəl partiyanın rəhbərliyinə daxil olan şəxslər Göyçay, Şəki, Balakən, Quba və Salyan rayonlarına səfər edərək, analoji müşavirələr keçiriblər.
bastainfo.com