Məhərrəm İncə səssizliyi pozdu -"Kimlərəsə küçələrə çıxın demək…”
Türkiyədə keçirilən növbədənkənar prezident seçkilərindən məğlub çıxan CHP namizədi Məhərrəm İncə nəhayət ki, susqunluğunu pozub.
BakuPost xəbər verir ki, o, bu dəqiqələrdə mətbuat qarşısına çıxıb və susmasının səbəbini izah edib.
Siyasətçi təhdid edildiyi üçün susduğu barədə iddialara "heç kim məni təhdid etmədi, təhdid edəcək adam da hələ doğulmayıb” deyib.
"15 milyon vətəndaş mənə səs verib. Hədəfimiz bunu 30 milyona çatdırmaqdır. Cənab Ərdoğan, lütfən bu gündən sonra 81 milyonun prezidenti olun. Mənim sloqanımı istifadə edin. Artıq hamımızın prezidenti olun. Hamını qucaqlayın. Mən seçilsəydim elə edəcəkdim”, - deyə İncə qeyd edib.
Ortada ciddi səs çoxluğu ilə qalibiyyət var. Ona görə də kimlərəsə küçələrə çıxın demək demokratiyaya ziddir. Əgər qalibiyyəti bayram edə bilməyəcəksənsə, seçkilərə girməməlisən. 50+1 olsaydı, o zaman bunu etmək olardı. Amma ortada fakt var, qalibiyyət var.
Uduzdun deyə ona şər at, təbrik etmə deyə bir şey olmamlıdır”.