Müsavat qurultaya hazırlaşır – Məclis qərar verdi
Müsavat Məclisinin növbəti sessiyası keçirilir.
İclası açıq elan edən məclis sədri Nüşabə Sadıxlı sözü başqan Arif Hacılıya verdi.
Görülən işlər barədə hesabatla çıxışı edənArif Hacılı "Cümhuriyyət-100” çərçivəsində Müsavat partiyasının keçirdiyi tədbirlərdən danışdı.
"Biz elə bir hüququ dövlət, insan haqlarına, azadlıqlarına dəyər verən sistem qurmalıyıq ki, cümhuriyyətçi babalarımızın ruhu şad olsun. Çünkü onlar 100 il öncə bu dəyərlər uğrunda mübarizə aparmışdılar” -Arif Hacılı bildirdi.
"Öz ayağı ilə polis bölməsinə gedib həbs olunan Müsavat fəalı Elvin Abdullayevi polisə tabesizlik göstərmək ittihamı ilə həbs etdilər. ABŞ-da təhsil alıb Azərbaycana dönən hüquqşunas Emin Aslanı polisə tabesizlikdə ittiham edib həbs etdilər. Bu da Azərbaycan hakimiyyətinin Azərbaycan xalqına düşmən münasibətinin göstəricisidir.” -Arif Hacılı əlavə etdi.
Arif Hacılı Müsavat Partiyasının Qurultayının keçirilməsi ilə bağlı təşkilat komitəsi yaradılmasının vaxtının çatdığını, qurultayı tam vaxtında, uğurla keçirməyin vacibliyini bildirdi.
Çıxış edən MSDM sədri İsa Qəmbər Müsavat Partiyasının, ümumilikdə Azərbaycan xalqının Cümhuriyyətin yüz illiyi münasibəti ilə keçirilən tədbirlərdə fəallığını alqışladığını, hər bir vətəndaşın Cümhuriyyətlə bağlı nələrsə etməyə çalışdığını müşahidə etdiyini və bu halı yüksək qiymətləndirdiyini bildirdi.
Müsavat Gəncə təşkilatın sədri Cahangir Əmirxan, Masallı təşkilatının sədri Xasay Fərzulla, Şəki təşkilatının sədri Rəşid Hacılı, Göyçay təşkilatının sədri Namiq Hacıbəyli, Divan üzvləri Elman Fəttah, Nemət Kərimli, Nailə Yaqublu, Yadigar Sadıqov, başqan müavini Səxavət Soltanlı Arif Hacılının məruzəsi ətrafında çıxış etdilər.
Toplantıda bir qrup müsavatçıya Azərbaycanda Cümhuriyyət dəyərlərinin bərpası, hüquqi dövlət, azad cəmiyyət quruculuğu uğrunda apardığı atdıcıl, prinsipal mübarizəyə görə və Azərbaycan Cümhuriyyətinin 100 illiyi münasibəti ilə təltif olunaraq fəxri fərmanlar təqdim olundu.
Daha sonra Qurultaya hazırlıq üzrə təşkilat komitəsi yaradıldı:
1. A. Hacılı
2. İ. Qəmbər
3. N. Sadıxlı
4. R. Əmiraslanlı
5. O. Kazımov
6. S. Soltanlı
7. F. Kərimli
8. S. Hüseynova
9. R. İsmayıl
10. B. Abbaslı
11. T. Yaqublu
12. N. Yaqublu
13. E. Fəttah
14. N. Kərimli
15 İ. İsrafil
16. V. Cümşüdlü
17. Y. Sadıqlı
18 S. Məhərrəmli
19. M. Hacılı
20. Ə. Sadıqlı
21. F. Ələsgərli
22. H. İsmayılov
23. C. Əmirxanlı
24. B. Mikayılov
25. R. Əliyev
26. S. Vəliyev
27. M. Salayev
28. M. Babayev
29. F. Cərullayev
30. Y. Tağı
Müsavat Məclisinin bu günkü iclasında həmçinin Məclisin katibliyinə də, seçki keçirildi. Gizli səsvermənin nəticələrinə görə Fəridə Ələsgərova Müsavat Məclisinin katibi seçildi.
Könül Alı, bastainfo.com