Neftçala rayonu ilə bağlı Nia.az saytına olduqca maraqlı məlumat daxil olub.Rayonun icra başçısı İsmayıl Vəliyevin  yaratdığı vəziyyət insanları təngə gətirib. Özbaşınalıq, korrupsiya və məmurların vətəndaşlara qarşı hörmətsiz davranması səbəbindən dəfələrlə narazılıqlar yaşatsa da,nəinki bunların qarşısı alınıb, əksinə, 5 ildir  ki, rayona rəhbərlik edən İsmayıl Vəliyev tam bir nəzarətsizlik mühiti yaradıb.Ölkə başçısı İlham Əliyev sahibkarlara şəraitin yaradılmasını dəfələrlə çıxışlarında vurğulsa da, İsmayıl Vəliyev bu tapşırıqları gözardı edir.

 2-ci qrup 20 Yanvar əlili Məhəmməd Fərzəliyev dəfələrlə Cənab prezident İlham Əliyevə müraciət edərək İcra başçısı İsmayıl Vəliyevin onun bazarını dağıtmaq istədiyini bildirib, ancaq İsmayıl Vəliyev öz qanunsuz əməllərini davam etdirərək, prezident İlham Əliyevin sahibkarlara şəraitin yaradılmasını hər çıxışında söyləməsinə məhəl qoymur.

Nia.az xəbər verir ki , İsmayıl Vəliyev hər gün Məhəmməd Fərzəliyevə məxsus bazara gələrək, oraya baxış keçirir ki, dövlət işində kim işləyirsə  oradan alış veriş edirsə həmin adam sərt tənqid olunur,hətta işdən belə azad oluna bilər.İcra başçısı rəsmi qurumda "qoçu dəstəsi” saxlayır, yoxsa onların insanlara qarşı olan hədələrinin adını nə qoyaq?

Məhəmməd Fərzəliyevin verdiyi məlumatına görə, baytarlıq və digər aidiyyəti olmayan dövlət qurumlar onun bazarına gələrək qanunsuz cərimələr yazırlar.

Nia.az-Bəhruz Əliyev