PKK-nın Münbiçdən çəkiləcəyi TARİX BƏLLİ OLDU
"Zeytun Budağı” Hərəkatı ilə qətiyyətini göstərən Türkiyə ilə ABŞ arasında Münbiç bazarlıqları davam edir.
Vaşinqton-Ankara xəttindəki danışıqlarda son mərhələyə gəldiyi
ifadə edilir və terror təşkilatı PKK-nın Suriya davamı PYD/ YPG-nin iyul ayında
Münbiçdən çəkilməsi gözlənilir.
"Habertürk”ün məlumatına görə, ABŞ Türkiyə ilə Münbiç mübahisəsini həll etmək
üçün yenidən danışıqlara başlayıb.
MÜNBİÇ MÜZAKİRƏ OLUNUR
ABŞ-ın xarici işlər naziri vəzifəsinə Mayk Pompeonun gəlməsi ilə Münbiç məsələsinin
müzakirəsinin ikinci mərhələsinə başlandığı bildirilir. Siyasi çevrələr, ABŞ-ın
Rusiyanın bölgədə hegemon güc nümayiş etdirdiyi bir şəraitdə Türkiyə ilə
qarşı-qarşıya gəlməsinin arzu edilməz olduğunu düşünürlər. Bu səbəblə Türkiyə
ilə Münbiç məsələsində bir razılaşma planına ABŞ-ın hazır olduğu bildirilir.
Ancaq ABŞ rəsmilərinin terror təşkilatı İŞİD ilə mübarizəyə də xüsusi diqqət çəkəcəyi
bildirilir.
İYULDA ÇƏKİLMƏ PLANLAŞDIRILIR
ABŞ ilə Münbiç diplomatiya yolunun ikinci və üçüncü mərhələsinin başa çatdığını
ifadə edən Amerikalı diplomatik mənbələr, iyun ayında şərtlərin uyğun olduğu
zamanda keçiriləcək son görüşdən sonra, iyul ayının ilk həftəsində terror təşkilatı
PYD/YPG-nin Münbiçdən çəkilməsinin planlaşdırıldığını bildirir. Ancaq Ankara,
ABŞ-ın bir "baş qatma” siyasətinə qarşı konkret bir təqvimi təqdim etməsini istəyir.
Türkiyə, Suriyada yeni konstitusiyanın hazırlanması prosesinin başlaması vəziyyətində
Münbiç xalqının da PKK-nın təsiri altında qalmadan prosesə daxil olmasını istəyir.
YERLİ HAKİMİYYƏT YARADILACAQ
Diplomatik mənbələr, Münbiçin boşaldılmasından sonra şəhərdə asayiş və idarəetmə
zəifliyi yaranmaması üçün yerli hökumət və şəhər məclisinin yaradılmasının
planlaşdırıldığı bildirilir. Mənbələr, PYD və ona bağlı qrupların çəkilməsi ilə
sinxron olaraq yerli hakimiyyət yaradılması prosesinin başlayacağı və şəhərin əhalisinin
əksəriyyətini təşkil edən Sünni Ərəblərin əksəriyyət təşkil etdiyi bir şəhər məclisi
qurulacağını, şəhərdəki Ərəb tayfaların nəzərə alınacağını bildirir. Münbiçli
Ərəb tayfa liderindən Əbu Məhəmməd Nidal, "Amerikalı hərbi məsləhətçilər
bu ana qədər bölgədəki 9 Ərəb tayfasından 7-sinin rəyini alıb. Böyük ölçüdə təhlükəsizlik
qayğılarına dair gözləntilərin aradan qaldıracağına dair söz veriblər. Bizim
istədiyimiz şəhərin idarəolunmasının bizə təhvil verilməsidir” deyə, söyləyib.
