İran prezidenti: "Telegram”
hökumətin səyi və istəyi ilə bağlanmayıb”
"Telegram” messencer sistemi hökumətin səyi və istəyi ilə bağlanmayıb”.
"Report” xəbər verir ki, bunu İran prezidenti Həsən Ruhani "İnstagram” səhifəsində yazıb.
"İndiyədək heç bir sosial şəbəkə, messencer hökumətimiz tərəfindən qapadılmayıb və qapadılmayacaq. "Telegram” messencer sistemi hökumətin səyi və istəyi ilə bağlanmayıb”, - deyə Həsən Ruhani qeyd edib.
Onun sözlərinə görə, bu qərarı məhkəmə hakimiyyəti müstəqil qəbul edib: "Həmin qərara əsasən, operatorlar messencerə girişi dayandırmalıdır”.
Qeyd edək ki, aprelin 30-da İran məhkəməsinin qərarı ilə "Telegram”dan istifadə etmək qadağan olunub.
