Zəvvarlar Həcc ziyarətinə avtobusla gedə bilməyəcək -Video
Bu il Həcc ziyyarətinə gedən zəvvərlardan sağlamlıq haqqında arayışların tələb olunmasına ciddi nəzarət ediləcək.
Bu barədə Qafqaz Müsəlmanları İdarəsinin işlər müdiri Həmdullah
Babayev Real TV-yə açıqlamasında bildirib. Onun sözlərinə görə, sənəd qəbulu
mayın 15-də başa çataçaq.
"Bu il ötən olduğu kimi olmayacaq. Yaxın Şərqdə baş verən hadisələrlə əlaqədar
olaraq zəvvarlar Səudiyyə Ərəbistanına avtobusla yox, yalnız təyyarə ilə
yollanacaq. Həcc ziyarətinin qiyməti 4150 dollardir. Qiymətə zəvvarlarin
gediş-gəliş, oteldə yerləşmə və gün ərzində iki dəfə qidalanması daxildir”, -
deyə Həmdullah Babayev. bildirib
Qeyd edək ki, Həcc ziyarətinə gediş avqust ayının 14, 15, 16 və 17-də
reallaşacaq. Dönüş isə sentyabr ayının 1,2,3, və 4–nə planlaşdırılır.
