Xarakterin sosial şəbəkə asılılığına nə dəxli var?
Amerikalı alimlər sosial şəbəkədən asılılıqla xarakter arasında əlaqəni araşdırıblar. Novator.az-ın məlumatına görə, Binqemton Universiteti əməkdaşlarının apardığı tədqiqata 300-ə yaxın tələbə cəlb olunub. İştirakçılar 5 şəxsi xüsusiyyəti (açıqfikirlilik, dürüstlük, ünsiyyətlilik, sərtlik və əsəbilik) qiymətləndirən sorğu blanklarını doldurublar.
Araşdırma göstərib ki, əsəbilik insanın sosial şəbəkələrdən asılılıq ehtimalını artırır.
Dürüstlük asılılıq yaratmaq şansını aşağı salsa da, əsəbilik bu effekti zəiflədir.
Araşdırmaya görə, dürüstlüklə vəhdət təşkil edən sərtlik də asılılıq riskini yüksəldir.
