Azərbaycan Xalq Cümhuriyyətinin qurucusu Məhəmməd Əmin Rəsulzadənin anadan olmasının 132-ci ildönümü Ankarada məzarı başında anılıb. Mərasimdə Azərbaycan Kültür Dərnəyinin üzvləri, Quzey və Guney Azərbaycandan olan tələbələr iştirak ediblər.
Azərbaycan Kültür Dərnəyinin rəhbəri Cəmil Ünal bildirib ki, Məhəmməd Əmin Rəsulzadə 71 illik ömrünü Azərbaycanda və mühacirətdə Azərbaycanın gələcəyi və istiqlalı üçüm fəda edib: "Vətəni və Milləti üçün ailəsini, ən müqəddəs varlığını belə qurban verərək vətənsevərlik nümunəsi olan Məhəmməd Əmin Rəsulzadə 61 il əvvəl aramızadan ayrılsa da, qurduğu Ocaq və Müsavat Partiyası eyni rolda eyni əzmlə mübarizəsini davam etdirir”.
Cəmil Ünal deyib ki, 67 illik keçmişi olan Azərbaycan Kültür Dərnəyi müqəddəs ocaq olaraq müsavatçılıq yolunda xidmətini davam etdirir: "Tək arzumuz Azərbaycanın və ölkə vətəndaşlarının gələcəyinin içıqlı olmasıdır”.
Musavat.com
