Jurnalist daxili işlər nazirinə online müraciət etdi

Salam, hörmətli cənab nazir!

Məlumat üçün bildirim ki, mən - Aydın Məmməd oğlu Caniyev 30 ildən çoxdur ki, jurnalist kimi fəaliyyət göstərirəm. Bakıda, Moskvada Azərbaycandilli qəzetlərdə baş redaktor olmuşam, Azərbaycanı və onun vətənpərvər insanlarını, Azərbaycançılıq ideyalarını təbliğ etmişəm. Ölkədə ən müxtəlif nəşrlərdə - "Xalq qəzeti", "Azərbaycan", "Azadlıq", "Xural" və digər qəzetlərdə çalışmışam. Milli Məclisin sosial siyasət komissiyasının eksperti olmuşam.

Xahiş edirəm, məni qəbul edin!Həyatım təhlükədədir!Ağdaş rayon polis şöbəsinin sahə müvəkkili polis leytenantı Rahib Abdullayev sosial şəbəkədə saxta "Rahib Abdull" nikiylə - özünü "ağdaşlı polis Ramin" kimi təqdim edərək və (+994) 55 247 80 16 saylı mobil telefonla məni və ailə üzvümü seksual təcavüzə məruz qoyacağı ilə hədələmişdir. 35 (otuz beş!) dəfə onu yığsam da anlaşmaq, aydınlaşdırmaq üçün, nömrəmi bloklamış, son olaraq bildirmişdir ki, dalını dağıdaram!

102 xidmətinə, oradan yönləndirildiyim Yasamal RPİ 28-ci PB-yə, şəxsi təşəbbüsümlə DİN Baş Kadrlar İdarəsinin rəisi general-mayor Rafiq Abbasova etdiyim müraciətlər nəticəsiz qalmışdır! Heç bir nəticə alınmadığını bildirən cavab məktubundan sonra daha da çıxılmaz vəziyyətə düşmüşəm.

Cənab nazir, lütfən məni qəbul edin, Rahib Abdullayevin mənə yazdıqlarını oxuyun.Vicdanınız Sizi yatmağa qoymayacaq, ta ki, ədalətli qərar qəbul etməsəniz!

Sizə dərin hörmətlə, Aydın Canıyev, müstəqil jurnalist