ABŞ-dan Rusiyaya həmlə: Həyəcan siqnalı verildi
ABŞ Suriyanın İdlib şəhərinin Serakin mahalında mülki vətəndaşlara qarşı xlor qazından istifadə olunması ilə bağlı yayılan məlumatlardan sonra həyəcan siqnalı verib.
Axar.az xəbər verir ki, bunu jurnalistlərə açıqlamasında ABŞ Dövlət Departamentinin rəsmi nümayəndəsi Hizer Noyert deyib.
"Son bir ay ərzində artıq 6-cı dəfə Əsəd rejimi bu cür hücumlara yol verir. Beynəlxalq aləm buna ciddi reaksiya göstərməlidir. Suriya xalqı zülm çəkir, dünya isə izləyir”, - Noyert bildirib.
Qeyd edək ki, ötən gün ABŞ-ın BMT-dəki daimi nümayəndəsi Nikki Heyli "Rusiya Suriyada kimyəvi silahların istifadəsinin qadağan edilməsi üçün göstərilən səylərin qarşısını alır” demişdi.
