Suriya müxalifəti
Soçi sammitində iştirakdan imtina edərək səlahiyyətini Türkiyəyə verdi
Soçidə keçirilən Suriya Milli Dialoq Konqresinə gedən müxalif qruplar konqresdə iştirak etməyəcəklərini bəyan ediblər.
Avropa.info xəbər verir ki, müxaliflərin etirazına səbəb onların aeroportda Suriya rejiminin bayraqları ilə qarşılanması olub. Aeroportdan çıxmağı rədd edən 90 nəfərlik qrup Türkiyəyə geri qayıdıb. Konqresdə Suriya müxalifətini təmsil etmək səlahiyyəti Türkiyə dövlətinə verilib.
Qeyd edək ki, məsələ ilə bağlı artıq Türkiyə xarici işlər naziri Mövlud Çavuşoğlu və rusiyalı həmkarı Sergey Lavrov arasında telefon danışığı olub.