Milli Qəhrəman
Cəlil Səfərovun doğum günüdür.Bu gün Azərbaycanın Milli Qəhrəmanı Cəlil Səfərovun doğum
günüdür.
AzVision.az xəbər verir ki, Cəlil Əziz oğlu Səfərov
1962-ci il yanvarın 28-də Gürcüstanın Marneuli rayonu Leybəddin kəndində anadan
olub, ailəsi ilə birlikdə Sumqayıt şəhərinə köçüb.
O, C.Naxçıvanski adına Hərbi Məktəbi, Vladiqafqaz və Saratov şəhərlərində ali hərbi
təhsil alıb, keçmiş SSRİ-nin müxtəlif yerlərində xidmət edib. 1992-ci ildə Azərbaycana
qayıdıb, Şuşa istiqamətində topçu zabit kimi şücaətlə vuruşub, ad qazanıb.
1992-ci il mayın 15-də Turşsu-Zarıslı istiqamətindəki döyüşdə onlarla erməni
yaraqlısını məhv edib və qəhrəmanlıqla həlak olub.
1992-ci il iyunun 7-də Milli Qəhrəman adına layiq görülüb. Bakı şəhərində Şəhidlər
xiyabanında dəfn edilib.
Sumqayıt şəhərində 10 saylı orta məktəb onun adını daşıyır. Marneuli rayonu
Leybəddin kəndində abidəsi ucaldılıb.