"25 Yanvar Neftçala Qırğını"ndan 28 il ötdü-FOTOLAR

Bildiyimiz kimi müstəqilliyimiz elə-belə təsadüfi hadisələrin fonunda yaranmadı. Müstəqilliyimizə qədər yüzlərlə milli məfkurəyə xidmət edən şəxsiyyətlərimiz bu günü görürdülər və Xalqın bir gün azad olacağına əmin idilər. O əminliyin bəhrəsi-Müstəqil Azərbaycan.

Azərbaycanımızın müstəqilliyi yolunda Yanvar hadisələrinin xüsusi önəmi var. 1990-ci il Yanvar Qırğınları ardıcıl olaraq Neftçala və Lənkəranda yaşandı. 20 Yanvar hadisələri haqqında filmlər çəkildi, kitablar nəşr edildi, tədbirlər keçirildi və s. Təəssüf doğuran hal isə, sonrakı günlərdə 25-i Neftçala və 26-sı Lənkəranda baş vermiş qırğınlardan ölkə ictimaiyyəti demək olar ki, məlumatsızdır. İnternet resursları üzərindən axtarış apararkən çox cuzi informasiya əldə etmək olar. 28 il ötməsinə baxmayaraq, hələdə Neftçala və Lənkəran hadisələrinin fonunda sənədli filmlər, ədəbiyyatlar dərc edilmədi. Artıq həmin hadisələrin şahidləri, qazilərimizin bəziləri haqq dünyasına köçmüşlər. Uluyol.az olaraq Neftçala şəhidləri ilə bağlı ilk işimiz rayonun bütün şəhidlərinin fotolarının bir araya yığılması, fotoların hərbi formada montajına nail olduq. "Şəhidlərimizi hər gün anaq", "Şəhidimdən danış" layihələrimizlə indiyə qədər onlarla şəhidimiz haqqında reportajlar hazırladıq. Növbəti işimiz 25 Yanvar Neftçala hadislərinin işıqlandırlması, sənədli film çəkilməsini nəzərdə tuturuq.

Bu gün Neftçala rayonu Aşağı Qaramanlı kəndində Neftçala Şəhidlərinin xatirəsinə salınmış Şəhidlər Parkını ziyarət elədik. Sonra, Neftçala rayonunda 25 yanvar hadislərinin baş verdiyi ərazidə olduq. "Neftçala Şəhidlərinin Xatirəsinə" salınmış Parkı ziyarət elədik. Şəhidlərimiz ruhlarına dualar oxuduq.

Ermənistan silahlı qüvvələrinin bölmələri tərəfindən atəşkəs rejiminin kobud şəkildə pozulması nəticəsində düşmənlə atışmada şəhid olan Azərbaycan Ordusunun əsgəri İbrahim Möhsüm oğlu Mənəfovun yas mərasimində iştirak elədik. Qurani Kərimdən "Yasin" surəsi oxundu, şəhidlik məqamı haqqında ruhanilər bilgi verdilər.

1992-ci il "Azadlıq uğrunda mübariz" fəxri adı hazırlanır və aşağıda göstərilən Neftçala sakinləri bu ada layiq görülüblər:

1.Ağahüseynov Nürəddin Aslan oğlu (ölümündən sonra)

2.Cəfərov Əbülfəz Böyükağa oğlu (ölümündən sonra)

3.Orucov Şəmsəddin Əbilhəsən oğlu (ölümündən sonra)

4.Ağayev Bəxtiyar Ağahüseyn oğlu
5. Talıbov Ələkbər Məmmədəli oğlu

6.Dadaşov Novruz Allahverdi oğlu

7.Məmmədov Əliheydər Xanəhəd oğlu

8.Nəcəfov Nizami Əbil oğlu

9.Hüseynov Natiq Mirzağa oğlu

10.Hüseynov Fərman Kamran oğlu

11.Hüseynov Ramiz Cəfər oğlu

12.Fərziyev Məhəmməd Təzəxan oğlu