Kəramət Böyükçöl  Xəlil Rzanın və Təbriz Xəlilbəylinin ruhundan üzr istədi – MƏTN

Gənc yazar Kəramət Böyükçöl özünün Feysbuk səhifəsində bir neçə gün qabaq Xəlil Rza Ulutürk haqda yazdığı statusuna görə üzrxahlıq edib.

Həmin üzrxahlığı olduğu kimi yayınlayırıq:

"Bir neçə gün bundan əvvəl feysbuk səhifəmdə Xəlil Rza Ulutürk haqqında yazdığım fikirlər birmənalı qarşılanmadı. Sərt reaksiya göstərildi. Mən şəhid atası Xəlil Rza haqqında səsləndirdiyim fikirlərin kökündən yalnış olduğunu anladım və buna görə Xəlil Rzanın və onun qəhrəman oğlu şəhid Təbirz Xəlilbəylilinin ruhundan, onların ailəsindən, eyni zamanda Xəlilsevərlərdən üzr istəyirəm. Şəhidlər torpağa basdırılmış ehtiyat qüvvələrimizdir. Nə qədər torpaq altında yatan şəhidlərimiz var, vətənimiz bir o qədər böyük və qüdrətlidir.

P.S. Mənim məlum statsumu tirajlayan saytlardan xahiş edirəm ki, bu üzrxahlıq yazımı da yayımlasınlar.”

(turkustan.info)