Leyla Rəsulzadənin məzarı bərpa edildi -FOTO
Azərbaycan Xalq Cümhuriyyətinin banilərindən biri Məmməd
Əmin Rəsulzadənin həyat yoldaşı Leyla xanımın məzarı tapılaraq bərpa edilib.
Bu barədə Türkiyədə yaşayan tanınmış
jurnalist Könül Şamilqızı məlumat yayıb.
"Siz bir yola çıxarkən arxanızda birilərinin dağ kimi durduğunu görməkdən
daha gözəl heç nə yoxdur. Mən bir təşəbbüs göstərdim və Azərbaycan Kültür Dərnəyi
dağ kimi arxamda durdu. Böyük liderimiz Məhəmməd Əmin Rəsulzadənin xanımı Leyla
Rəsulzadənin məzarı Azərbaycan Kültür Dərnəyinin təşəbbüsü, Anıtlar Dərnəyinin
dəstəyi ilə bərpa edildi. Məzarın sadə olmasını mən istədim. Sağ olsunlar,
fikrimi soruşdular, mən də "Leyla xanım kimi sadə və zərif olsun"
dedim. Bir də "üstündə həmişə çiçəklər olsun" dedim. Sabah gedib o
çiçəkləri də əkəcəyəm. Çox xoşbəxtəm, qürurluyam" - deyə, Könül Şamilqızı əlavə
edib.
Həmyerlimiz Leyla xanımın məzarıının bərpa ediməsində əməyi olan hər kəsə təşəkkürünü
bildirib.//kordinat.az
ULUYOL.AZ
