Yazdığım statusun Müsavata heç bir dəxli yoxdur - Alya
Yaqublu
İki gün əvvəl
Müsavat Qadınlar Birliyinin sədri, jurnalist Alya Yaqublunun Feysbuk
hesabında yazdığı status sosial şəbəkə və mediada müzakirə mövzusuna çevrilib.
Xeber365.com-un məlumatına görə, Alya Yaqublu paylaşımında bildirir:
"Bu ölkənin dərdi təkcə hakimiyyət deyil. Bu ölkənin dərdi həm də odur ki, biletsatanın biri ömrünü bu hakimiyyətlə mübarizəyə həsr eləmiş birini hakimiyyətə işləməkdə ittiham edir. Təsəvvür eləyə bilirsiniz?”
Hakimiyyətə işləməkdə ittiham edilən şəxs Müsavatın Divan üzvü, başqan müavini Tofiq Yaqubludur və buna görə xanım jurnalistin yaxın qohumunu müdafiə etdiyi yazılır. Həmçinin, onun Müsavat partiyasını saxta bilet satmaqda suçladığı dilə gətirilir.
Xeber365.com-a açıqlama verən Alya Yaqublu isə bildirib ki, yazdığı statusun Müsavat Partiyasına heç bir dəxli yoxdur: "Mən nə yazmaq istəmişəmsə, onu da yazmışam. Burda başqa məna axtarmaq lazım deyil. Yazdığım fikri başqa yerə yozmaq, sadəcə, kimlərəsə sərf edir. Ancaq mənim yazdığımda yozulacaq heç nə yoxdur”.
