Bakıda qəzada ölən polislər (FOTOLAR)
Ötən gün paytaxtın Xəzər rayonu Buzovna qəsəbəsi ərazisində baş verən qəzada iki polis həlak olub.
Azxeber.com saytı xidməti əraziyə gedərkən qəzaya düşən polis əməkdaşlarının fotosunu əldə edib. Bu arada Daxili İşlər Nazirliyi polis əməkdaşlarının ölümü ilə nəticələnən yol-nəqliyyat hadisəsi barədə məlumat yayıb.
Nazirlikdən verilən məlumata görə, noyabrın 10-da saat 07.40 radələrində Xəzər rayonunun Buzovna qəsəbəsində Qoşqar Kərimov idarə etdiyi "Fiat Doblo” markalı avtomobili yolun kənarındakı divara vurub. Nəticədə sürücü hadisə yerində ölüb, sərnişinləri - Elnur Məmişov və Kamal Vəliyev xəstəxanaya yerləşdiriliblər. E.Məmişov orada ölüb, K.Vəliyevin vəziyyəti orta-ağırdır. Faktla bağlı araşdırma aparılır.
