Çin "VKontakte” sosial şəbəkəsinə girişə qadağa qoymağa başlayıb.
İKT.lent.az-ın "gazeta.ru” saytına istinadən xəbərinə görə, Çindən saytlara girişi yoxlayan "greatfirewallofchina.org” resursu göstərir ki, Çinin Pekin, Şençjen Daxili Monqolustan, həmçinin Xeylunszyan və Yunnan əyalətlərində bu sosial şəbəkəyə daxil olmaq mümkün deyil.
Sosial şəbəkənin mobil versiyası kimi, veb-versiyasına da daxil olmaqda məhdudiyyət yaranıb.
"Rambler News Service” qeyd edir ki, "VKontakte”nin nümayəndəsi Georgi Lubaşkin bu məsələ ilə bağlı hər hansı şərh verməyib.
Bir qədər əvvəl isə Tacikistanda "VKontakte” də daxil olmaqla 200-dən artıq sayta girişə qadağa qoyulub.