Türkiyə son bir həftədə 72 terrorçunu məhv edib
Türkiyə Silahlı Qüvvələrinin İdlib əməliyyatları davam edir.
"Qafqazinfo” Türkiyə mətbuatına istinadən xəbər verir ki, Türkiyә Silahlı Qüvvәlәri "Fərat qalxanı” təhlükəsizlik bölgəsində 19-25 oktyabr tarixlәri arasında hәyata keçirilәn әmәliyyatlarda 72 terrorçunun zərərsizləşdirildiyini açıqlayıb.
Əməliyyatlar zamanı seperatçı terrorçulara məxsus külli miqdarda silahlar, partlayıcı maddələr və müxtəlif texnikalar da ələ keçirilib.
Türkiyə ordusu isə atışmalarda 7 şəhid verib, 11 əsgər isə yaralanıb.