"Makdonalds” adını dəyişdi
ABŞ-ın məşhur fastfud restoranlar şəbəkəsi "Makdonalds” Çində adını dəyişib.
Trend-in məlumatına görə, "Makdonalds” bu ölkədə "Jingongmen” (Qızıl tağlar) adlanacaq.
Bu vaxta qədər isə restoran Çində "Maydanlao” adlanırdı. Qeyd olunur ki, bu ad "Makdonalds” sözünün Çin dilində transkripsiyası idi və həmin dildə heç bir məna ifadə etmirdi.
Qeyd edək ki, "Makdonalds” Çində 1990-cı illərin əvvəlindən fəaliyyətə başlayıb. Hazırda ölkədə bu şəbəkədən 2,5 minə yaxın restoran mövcuddur.
