Bir aylıq körpənin həyatda qalması üçün yardım
kampaniyası başladıldı- FOTOLAR
Aşağıda fotolarını təqdim edəcəyimiz körpə 1 aylıqdır. Anadangəlmə kəskin ürək qüsuru diaqnozu qoyulub.
Musavat.com xəbər verir ki, AFN.az saytı Tovuz rayonu Vahidli kəndindən olan körpənin həyatının təhlükədə olduğu haqda elan-xəbər paylaşıb. Xəbərdə daha sonra deyilir: "bu uşaq 10 günlüyündən xəstəxanalardadır, bu səbəbdən hələ rəsmi adı qoyulmayıb. Körpənin ürəyində bir neçə dəfə cərrahi əməliyyat aparılmalıdır. Hazırda körpənin ürəyində olan qüsur səbəbindən bədəni 52 faiz oksigenlə təmin olunur, 2-3 ayından sonra oksigen azalmağa başlayacaq və həkimlərin rəyinə görə, bundan sonra körpə maksimum 6 ay yaşaya bilər. Olduqca ağır və riskli olan əməliyyatı Hərbi Hospitalın həkimləri üzərlərinə götürüb. Lakin əməliyyat üçün lazım olan 7800 manatı verməyə valideynlərin imkanı çatmır. Sosial şəbəkə və media vasitəsilə yardım kampaniyası başladılıb, təqdim ediləcək hesaba e-manat və milliön ödəmə mərkəzlərindən də ödəniş etmək mümkündür.
Əziz oxucular! Hər birinizdən bu yardım kampaniyasına qoşulmağı, körpə İgidə dəstək olmağı xahiş edirik. İgidin həyatının xilas olması sizlərin əlindədir.
