Onu dinləmək üçün istifadə olunan cihazların haradan gətirildiyi məlum olub.
"Paralel dövlət”in baş nazir olduğu dövrdə Ərdoğanın otağını dinlədiyi dinləmə cihazlarının haradan və kimin vasitəsi ilə Türkiyəyə gətirildiyi məlum olub.
Məlumata görə, ölkənin Daxili İşlər Nazirliyinin sifarişi ilə gətirilmiş bu gizli və kəşfiyyat xarakterli cihazlar Tayvandan gətirilib. Türkiyə xüsusi xidmət orqanlarının araşdırmasından sonra məlum olub ki, ölkənin Daxili İşlər Nazirliyi tərəfindən sifariş edilmiş cihazları "Paralel dövlət”in Tayvan imamı kimi tanınan Hüseyn Kızmaz göndərib.
Məlumata görə, Hüseyn Kızmaz mərkəzi Ankarada yerləşən Vendeka şirkətlər qrupunun sakit okean ölkələrində rəsmi nümayəndəsidir. Ərdoğanın dinləndiyi cihazlar, səsyazma avadanlığı və gizli kameraların Tayvanda xüsusi xidmət orqanlarının sifarişini yerinə yetirən bir firma tərəfindən istehsal olunduğu bildirilir.(ölkə)
