Əslində "Böyük Ermənistan"a kim xidmət edir?-ARAŞDIRMA
Son günlər orta məktəb dərslikləri, xüsusilə 10-cu sinif
"Ümumu tarix” (rus bölməsi) dərsliyinin 32-ci səhifəsində getmiş xəritə ətrafında yaradılmış qalmaqal səngimək bilmir. Müxtəlf "şəxslər” fürsət gözləyirmiş
kimi öz rəqiblərinə qarşı ən çirkin və ləyaqətsiz piar, qaralama aksiyası
keçirməkdədir.
Nazirliyi müdafiə etmək, yaxud onların əməllərinə haqq qazandırmaq fikrimiz
yoxdur. Hətta təxribat olsa belə. Dərsliklərin son variantına dərslik şöbəsi tərəfindən
baxılmalı, diqqətlə incələnməli, sonra isə nəşrinə icazə verilməli idi. Lap
götürək ki, elmi baxımından "ərməniyyə” adlanan coğrafi məkanın özlərini "hay”
adlanan üzdəniraq və bədnam qonşularımızla eyniliyi olmasa da. Məsələ belədir
ki, qaydalara görə müəlliflər dərsliyi yazır komissiyaya təqdim edir. Nazirlik
dərsliyi ekspertizadan keçirir, yoxlatdırır, yaxşı mənada "pulunu” verib alır və
s. Beləliklə, mülkiyyət keçir Nazirliyin, bu halda dövlətin ixtiyarına. Deməli,
bütün hüquqlar qalır Nazirliyin ixtiyarında. Problem və başqa bu kimi
situasiyalarda buna Təhsil Nazirliyi cavab verməlidir. Bu işin hüquqi tərəfi.
Müəlliflərdən isə qaranlıq məqamlara aydınlıq gətirmək üçün açıqlamalar alına
bilər. Onların buna cavab verib verməməsi isə öz işləridir. Qanunla izahat
yalnız Nazirliyin istəyi ilə alına bilər. "Ümumi təhsil sistemində dərsik siyasəti”
adlı qanunun 6-cı maddəsində yazılır: "Sifariş yolu ilə yaradılmış dərsliklərin
nəşr və yayım hüququ Təhsil Nazirliyinə məxsusdur.”(Mənbə: http://edu.gov.az/az/page/162/537 ).
Maraqlı bir tendensiya yaranır, dərsliyin qiymətləndirərkən Təhsil
Nazirliyinin, Dövlət İmtahan Mərkəzinin və AMEA-nın müvafiq ekspertləri də axı
bu dərslikləri "yoxlamışdılar. Eyni zamanda 2017-ci ilin fevral ayından Təhsil
Nazirliyi həmin dərslikləri elektron halda ictimai müzakirəyə çıxarmışdı. Niyə
bütün bu mərhələlərdə "nöqsan” görünmədi?
Bundan başqa, Təhsil Nazirliyi həmin kitabları yığışdırıb "texniki səhvi” düzəltsəydi
və bundan ictimaiyyətin xəbəri olmasaydı və yaxud bu qədər ictimai müzakirə
olmasaydı, nə olardı? Bəlkə, bu ictimai müzakirəni yaradanlar, genişləndirənlər
elə həmin xəritəni rus variantında "peyda” edənlərdir?
Xəritələr yayılır, paylaşlır. Müəlliflər günahkar bilinir,
söyülür, təhqir olunur, aşağılanır. Baxmayaraq ki, müəlliflərin ikisi Qarabağ
qazisi, biri Qaranağ əlilinin övladıdır. Baxmayaraq ictimaiyyət həmin
adamları yaxşı tanıyır, onların vətəni sevməsini yaxşı bilir.
Deməli, yad əllər var, insanların həssas nöqtələrinə toxunaraq məqsədlərinə nail
olmaq istəyirlər. Bu, gizli əl kimindir? Kim problemin daha da qabarmasını istəyir?
Kim qazanır? Kim öz məqsədinə nail olur? Minlərlə insanın təhdidinə məruz qalan
həmin müəlliflərmi, yoxsa işi şişirdib dünya mətbuatına çıxarmaq istəyən,
qardaşı qardaşa qırdımaq istəyən həmin gizli əllərmi?
Araşdırmamız nəticəsində Kamran Əsədovun müəllifliyi olduğunu müəyyən etdiyimiz
həmin dərslikdən bir parçanı tirajlayırıq: "Səlibçiləri özlərinə dayaq görən
ermənilər də səlcuqlara qarşı mübarizədə onlara kömək göstərdilər”... "Hamı tərəfindən
nifrət edilən.: Antioxiya şəhərinin səlibçilər tərəfindən işğal olunmasında
islam dinini təzə qəbul etmiş xəyanətkar bir erməni əsas rol oynadı. Vəd
olunmuş mükafata o, xristianlığı qəbul etmiş, gecə səlibçilərin şəhərə daxil
olmasına şərait yaratmışdı. Bu hərəkətinə görə o hamının nifrətini qazanmışdı”
(səh.93)
Bu kimi ifadələr dərslikdə kifayət qədərdir. İndi sizcə kim vətənini daha çox
sevə bilər: dayısı oğlu Qarabağ döyüşlərində itkin düşmüş, atası Qarabağ əlili
olan birisimi yoxsa həmin gizli əlin havadarlarımı?
Uluyol.az, Tural İntiqam