"Bu məsələdə kürdlərə güzəştə getməyəcəyik” – İranlı
nazir
İranın ədliyyə naziri Sadiq Laricani İraq Kürd Regional Hökumətinin mübahisəli referendumu barədə mövqelərinin ciddi olduğunu, bu məsələ güzəştə getməyəcəklərini bildirib.
Avropa.info xəbər verir ki, "Rudaw” telekanalına verdiyi açıqlamada " İran İslam Respublikasının bu məsələdə siyasəti qətidir. Ən əvvəldə hər cür separatçılığa qarşı olduğumuzu bildirdik. Kürd rəsmilər qonşu ölkələrin mövqelərinin qəti olduğunu və bu məsələdə güzəştə getməyəcəyimizi bilməlidir”, deyib.
Laricani referendumu böyük dövlətlərin, xüsusilə də İsrailin regionda alışdırdığı yeni yanğınla müqayisə edib.
"Məqsəd islamı hökumətləri zəiflətmək və müsəlmanalara qarşı uzun davam edən müharibəni alışdırmaqdır” – o, belə deyib.
İran İraq Kürd Regional Hökumətində keçirilən referenduma etiraz edərək, Bağdadın hava məkanını bağlamaq qərarına dəstək vermişdi.
Bundan sonra isə İraq Kürdüstanına gedən maye yanacaq nəqliyyatını kəsmişdi.
