Bu gün Müsavat Partiyası Divanının növbəti iclası keçirilib. Partiyanın mətbuat xidmətindən verilən məlumatda bildirilir ki, iclasda Divan üzvü Razim Əmiraslanlı görülən işlər və qərarların icrası barədə məlumat verib.

Müsavat Partiyası Mərkəzi İcra Aparatının rəhbəri Gülağa Aslanlının Yasamal rayon təşkilatının ümumi yığıncağı barədə məlumatı dinlənilib, Cəmil Qambay rayon təşkilatının sədri seçilib.

Müsavat Partiyası rayon təşkilatlarında keçirilən konfrans və ümumi yığıncaqlar barədə məsələ müzakirə olunub.

Divan İraqın şimalında referendum keçirilməsini müzakirə edib və onun regionda yaradacağı gərginliklə bağlı narahatlığını bildirib, İraqın ərazi bütövlüyü və suverenliyini müdafiə etdiyini ifadə edib, Azərbaycan hakimiyyətini mövqe bildirməyə, türkman qardaşlarımızı və Türkiyəni bu mürəkkəb mərhələdə yalnız buraxmamağa çağırıb.