|
BOZ QURDUN HARAYI
Eheyyy! Sizinləyəm Turan ulusu!
Çağırın, uyuyan yurdum ayılsın.
Quzeydən Güneyə, üfüqlər boyu,
Sözüm eşidilsin, səsim duyulsun!
Yeri silkələrdi Türkün nərəsi,
İblisin bicləri bizi böldülər.
Çaldıran Turanın qara ləkəsi!
Ləkəni vuranlar gendən güldülər.
Ayıl, aç gözünü cahana bir bax,
Harda yaşayırsan, orda dardasan.
Kükrə sellər kimi , şimşək kimi çax,
Sənə səslənirəm, Türküm! – hardasan?!
Sən ki at belində gəzdin dünyanı,
Ümmanlar keçmisən, dağlar aşmısan.
Haqqın qarşısında sayğı göstərib,
Haqsızlıq görəndə aşıb-daşmısan.
Tək sənə tuşlandı şərin barmağı,
Sağın da, solun da yağıya döndü.
Unutdun savaşa birgə varmağı,
Qılıncmı korşaldı, eşqinmi söndü?!
Eheyyy! Səninləyəm min illər boyu,
Doğudan Batıya at çapanlarım.
Düzlərdə yaşarkən Batının soyu,
Dövlət quranlarım, El yapanlarım.
Birləş!
Örnək götür Oğuz çağından,
Türkün yaşadığı hər yerə qədər.
Doğu Türkistandan, Tanrı dağından,
Batı Trakyadan Sibirə qədər.
Tufanların, daşqınların gücü var,
Ürəyində bəslədiyin atəşdə.
Göydən ulduzlar da həsrətlə baxar,
Şad xəbər eşqilə doğur Günəş də.
İçdə gücün, cəsarətin tükənsə,
İldırımdan, şimşəkdən al qeyrəti.
Millətin uöruna savaşan kəsə,
Tanrımız göndərər gücü, qüdrəti.
Bax sənə boylanır şanlı Aypara,
Dur, zaman yetişdi, oyan Türk! – deyir.
Birlik, bütövlükdü dərdinə çara,
Birləş, Bahadır Türk, Bayan Türk!-deyir.
Tanrımız ucaldar, mələklər öyər,
Sözdə yox əməldə bir yerə gəlsək.
Dünyanın sahibi biz olluq, əyər,
Bir bayraq altında birləşə bilsək.
Yetər məyusluğun! Yetər bu halın!
Üfüqdən boylanır zamanın sənin.
Birləş! Birlikdədi qurtuluş yolun,
Birlikdən doğacaq Turanın sənin!
Namiq Hacıheydərli- şair, publisist, araşdırmaçı
Uluyol.info
Вернуться назад
|