|
Ölkədə bütün qəbul imtahanlarının pullu
olacağı barədə Dövlət İmtahan Mərkəzinin Direktorlar Şurasının sədri Məleykə
Abbaszadənin açıqlaması yeni müzakirə və tənqid obyektinə çevrilib. İstər
ekspertlər, istərsə də sıravi vətəndaşlar bunu təhsil almaq hüququnun
pozulması, təhsil almaq üçün mövcud imkanların məhdudlaşdırılması kimi
qiymətləndirir.
Politika.Az
bildirir ki, M.Abbaszadənin bu açıqamasına münasibət birmənalı deyil. Belə ki,
Dövlət İmtahan Mərkəzinin Direktorlar Şurasının sədri Məleykə Abbaszadənin
gələcəkdə qəbul imtahanlarının ödənişli əsaslarla aparıla bilməsinin mümkünlüyü
ilə bağlı verdiyi müsahibəyə münasibət bildirən təhsil naziri Mikayıl Cabbarov
deyib ki, bu məsələ müzakirə olunmalıdır: "Burada bir neçə məsələ var.
Birincisi bundan ibarətdir ki, Dövlət İmtahan Mərkəzi müstəqil və yeni
yaradılan qurum, publik hüquqi şəxsdir. Təbii ki, onun fəaliyyətinin həyata
keçirilməsi üçün zəruri imkanlar olmalıdır. Eyni zamanda, həmin mərkəzin
göstərdiyi xidmətlərin hər hansı bir şəkildə maliyyələşdirilməsi məsələsi
qoyulur” deyən nazirin sözlərinə görə, lakin burada başqa bir məsələ də var. "Təhsil
alanlar üçün xidmətlərin sifarişçisi kimi dövlət çıxış edir. Həmin xidmətlərin
ödənişi kim tərəfindən həyata keçirilməlidir? Dövlət büdcəsindən, yoxsa başqa
mənbələrdən?” Nazir bildirib ki, Təhsil Nazirliyinə bu barədə müraciət olduqdan
sonra rəsmi mövqelərini bildirəcəklər. Onun fikrincə, Dövlət İmtahan Mərkəzinin
fəaliyyətinin təmin edilməsi üçün zəruri imkanlar olmalıdır: "Lakin bunun hansı
dərəcədə, buraxılış imtahanlarından sonra qəbul imtahanları verən
abituriyentlər hesabına olub-olunmaması sual doğurur. Çünki bu, təhsilə çıxış
və əlçatanlılıq məsələsidir. Hesab edirəm ki, burada müvafiq qurumun buna dair
müraciəti olduğu təqdirdə hökumətin qərarı olacaq. Lakin indi buna müzakirəsi
başa çatıb qərar verilən məsələ kimi baxmamalıyıq. Əminəm ki, bu məsələnin
həllini həmkarım Məleykə Abbaszadə və digərləri ilə işləyərək birgə tapacağıq”.
Ali
məktəblərə qəbul imtahanları dövlətin təhsil siyasətinə daxil olduğundan və
konstitusiya üzrə hər bir vətəndaşın təhsil hüququndan istifadə etmək imkanları
ona verildiyindən, hər bir orta məktəbin məzunu ali məktəblərə qəbul
imtahanlarında iştirak edə bilər. Və bu iştirak pulsuz olmalıdır. Çünki bu,
dövlət siyasətidir. Burada iştirak edən adam öz arzusu ilə özünə xidmət kimi
yox, ölkə üçün kadr olaraq yetişib işləmək üçün iştirak edir, vətəninə xidmət
edir. Onda belə çıxır ki, əsgərliyə getmək üçün pul ödəmək lazımdır? Bu,
əsgərlik kimi bir şeydir. O əsgər cəbhədədir, bu əsgər ali məktəbdədir və
Vətənin müdafiəsi üçün mülki mövqedə çalışır, bu səbəbdən də qəbul imtahanlarının
pullu olmasını siyasi, mənəvi, hətta iqtisadi cəhətdən düzgün saymır.
Qəbul
imtahanları vermək üçün gələnlərdən iş nömrəsinə görə alınan iki manatdan başqa
pul umulmasıı absurddur. Bu, yüz minlərlə adama müraciətdir. Ölkədə də hamının
maddi vəziyyəti yaxşı deyil axı. Adamlar var ki, imtahan vermək üçün rayon
mərkəzinə gəlmək üçün yol pulunu güclə tapır. Bu adam 10-25 manatı hardan tapıb
verməlidir? Ola bilər bu dəyişikliklə bağlı desinlər ki, hansısa ölkədə qəbul
imtahanları pulludur. Amma Azərbaycanın öz qanunları, öz etik normaları, özünün
imkanları və demokratik konstitusiyası var. Başqa ölkədə şərait başqa cürdür,
özünə uyğun. Bunun üçün də qəbul imtahanlarının pullu olmasını məqsədəuyğun
hesab etmirəm. Bu, ictimaiyyətin narazılığına gətirib çıxara bilər. Narazılıq
da bizim üçün sərfəli deyil. Qəbul imtahanlarının pullu olması ali təhsil
alanların sayının azalmasına səbəb olacaq. Başqa sözlə, bu proses kasıb
təbəqənin övladlarının üzünə ali təhsilin bağlanması demək olacaq.
Uluyol.info
Вернуться назад
|