Главная > Cəmiyyət > Ucarda 24 yaşlı gənc xəstəxanada öldü - Səhlənkarlıq

Ucarda 24 yaşlı gənc xəstəxanada öldü - Səhlənkarlıq


14-09-2016, 22:31.
Ucar sakini xəstəxanada ölüb.
 
APA-nın məlumatına görə, hadisə bu gün Ucar Mərkəzi Rayon Xəstəxanasında qeydə alınıb.
 
Rayonun Qazyan kənd sakini, 1992-ci il təvəllüdlü Rəhim Polad oğlu Ələkbərov xəstəxanada dünyasını dəyişib. Yaxınlarının sözlərinə görə, sağlam vəziyyətdə xəstəxananın təcili tibbi yardım stansiyasına daxil olan R.Ələkbərov həkimin səhlənkarlığı nəticəsində dünyasını dəyişib. 
 
Təcili tibbi yardım stansiyasının həkimi Ramil Tağızadə gecə saat 03:00 radələrində Ələkbərovun xəstəxanaya daxil olduğunu, ona lazımı tibbi yardın göstərildiyini və xəstəliyin ciddi olması barədə yaxınlarına məlumat verildiyini bildirib. Həkimin sözlərinə görə, Ələkbərovun yaxınları xəstəliyin ciddi olmadığını düşünərək onu evə aparıblar. Səhər saat 09:30 radələrində mərhum yenidən xəstəxanaya gətirilib. Ona ilkin yardım göstərilib, analizlər götürülüb. Analizlərin nəticəsinə görə, onun ağ ciyər vərəmi olduğu ehtimal olunduğundan, vəziyyətin ciddiliyi nəzərə alınaraq, o, reanimasiya şöbəsinə köçürülüb. Həkimlərin səyinə baxmayaraq, R.Ələkbərov orada dünyasını dəyişib.
 
Faktla bağlı araşdırma aparılır.
Вернуться назад