“Qəbələ” Avroliqanın pley-offunda!
4-08-2016, 22:02.
Bu gün UEFA Avropa Liqasında III təsnifat mərhələsinə yekun vurulacaq. APA-nın məlumatına görə, təmsilçimiz "Qəbələ” də cavab oyununa çıxıb.
Ötən mövsümün bürünc mükafatçısı öz meydanında Fransa klubu "Lill”lə qarşılaşıb. Roman Qriqorçukun yetirmələri oyuna səfərdə əldə etdiyi 1:1 hesablı heç-heçənin verdiyi üstünlüklə çıxıblar. "Qırmızı-qaralar” rəqiblərini 1:0 hesabla məğlub edərək, turnirin pley-off mərhələsinə yüksəliblər.
Beləliklə, "Qəbələ” ardıcıl üçüncü il mötəbər yarışın pley-off mərhələsində təmsil olunacaq.
Qeyd edək ki, "Qarabağ” Çempionlar Liqasında uduzub, mübarizəni Avropa Liqasında davam etdirəcək.
Avropa Liqası
III təsnifat mərhələsi
Cavab oyunu
4 avqust
"Qəbələ” (Azərbaycan) - "Lill” (Fransa) - 1:0
Qol: Filip Ozobiç, 34
Baş hakim: Aleksey Yeskov (Rusiya)
Bakı. 8-ci km qəsəbə stadionu
İlk oyun – 1:1
Вернуться назад