Akif Qurbanov MSK-nin yekun protokolun imzalamadı

Noyabrın 18-də MSK 1 noyabr parlament seçkilərində səsvermənin yekunları haqqında protokolu təsdiq edib və təsdiq üçün Konstitusiya Məhkəməsinə təqdim edib.

Elan edilmiş yekunlara əsasən, parlamentə Yeni Azərbaycan Partiyasından 71 deputat (70-i partiya siyahısı üzrə, biri öz namizədliyini irəli sürüb), 41 bitərəf və daha 10 partiyadan – Vahid Azərbaycan Xalq Cəbhəsi, Böyük Quruluş, Vətəndaş Birliyi, "Vəhdət”, Sosial Demokrat, Vətəndaş Həmrəyliyi, Demokratik İslahatlar, Milli Qurtuluş Hərəkatı, Vətən, Sosial Rifah, Demokratik Maarifləndirmə partiyalarında 11 namizəd seçilib.

Bir dairədə seçkilərin nəticələri etibarsız sayılıb.

MSK-nın müxalifətdən olan yeganə üzvü Akif Qurbanov səsvermənin yekunları haqqında protokolu imzalamaqdan imtina edib.

O, "Turan İA"-ın müxbiri ilə söhbətində bildirib ki, seçkilər seçki kampaniyasının bütün mərhələlərində demokratik mühitin olmaması, habelə səsvermə günü kütləvi pozuntularla müşaiyət olunub, bu səbəbdən onlar azad və ədalətli hesab oluna bilməz.

İndi Konstitusiya Məhkəməsi 10 gün ərzində seçkilərin nəticələrini yoxlamalı və elan etməlidir.(meydan.tv)