Elzanın bayraq aksiyasında insident: bir nəfər saxlanıldı - FOTO/VİDEO

 

Əməkdar artist Elza Seyidcahan Sizəyəndə və Şabranda Bayraq Günü ilə bağlı aksiya keçirib. 

Bu barədə Moderator.az-a məlumat verən Elza Seyidcahan deyib ki, onlar bayraq haqqında məlumat əks olunmuş bukletləri vətəndaşlara paylayıblar. 

Əməkdar artistin sözlərinə görə, Siyəzəndə baş tutan tədbir insidentsiz ötüşməyib. Deputat Tahir Süleymanovun  səlahiyyətli nümayəndəsi Etibar Heydərov aksiya müdaxilə edib və polisləri əraziyə çağırıb: "Mənə deyir ki, prezidentin şəklin niyə tutmusan? İstifadə edirsən. Başa düşmürəm, Bayraq Günündə Etibarın Heydərovun atasının şəklini tutmalı idim? Belə bir gündə prezidentin fotosunu tutmalıyam da. Mən belə tədbiri keçirməyi özümə borc bilirəm. Yazıqlar olsun ki, özünü YAP üzvü, icranın nümayəndəsi, ziyalı adlandıran şəxs bu tədbirdən heç nə anlamadı, tədbirə mane olmağa çalışdı. Bu tədbirə təxribat kimi baxdı. Halbuki əsl təxribatı özü etdi. Amma mən onun bu hərəkətlərini acı gülüşlə qarşılayıram ".  

Elza Seyidcahanın sözlərinə görə, bayraq aksiyasında iştirak etdiyi üçün Qurbanov Elvin Xanbala oğlu polislər tərəfindən saxlanılıb.