Ankarada güclü partlayış — 27 ölü, 75 yaralı

Ankara valiliyinin verdiyi rəsmi açıqlamaya görə, partlayış nəticəsində 27 nəfər ölüb, 75 nəfər isə yaralanıb.

***

Partlayışın "canlı bomba" tərəfindən törədildiyi bildirilir. Hadisə baş verən əraziyə yaxın böyük ticarət mərkəzi yerləşir. Buna görə də xeyli insanın öldüyü ehtimal olunur. Hələ ki, bu barədə rəsmi məlumat verilməyib. 

***

Polislər ikinci dəfə baş verə biləcək partlayış ehtimalına görə insanları ərazidən uzaqlaşdırır.

***

Hadisə nəticəsində artıq 5 nəfərin həlak olduğu deyilir. Ölü sayının artacağı istisna olunmur.

***

Türkiyənin paytaxtı Ankarada güclü partlayış baş verib.

Partlayış Bakı vaxtı ilə saat 20:35-də Kızılay bölgəsində Atatürk parkı və Baş Prokurorluğa yaxın ərazidə baş verib.

Hadisə nəticəsində xəsarət alanların olduğu bildirilir.

Ərazidəki maşınlara və binalara da ziyan dəyib.

Hadisə yerinə çoxlu təcili yardım və yanğınsöndürən maşınlar cəlb olunub. (Qafqazinfo)