Baş redaktor: "Sayt rəhbərlərindən, tanınmış simalardan Mətbuat Şurasının qanunsuz fəaliyyətini ifşa etmək üçün dəstək istəyirəm"
12 il bundan əvvəl Rəsul Quliyevin uğursuz dönüşündən iki gün sonra ciddi hadisələr
başladı. Oktyabrın 19-da bir qrup hökumət üzvü və yüksək vəzifəli məmur
hakimiyyətin zorla ələ keçirilməsinə cəhddə ittiham olunaraq həbs edildi.
İqtisadi inkişaf naziri Fərhad Əliyev, onun qardaşı, "Azpetrol” şirkətlər
qrupunun prezidenti Rafiq Əliyev, hakim partiyanın yaradıcılarından biri, səhiyyə
naziri Əli İnsanov, Prezident Administrasiyasının təsərrüfat işləri müdiri Akif
Muradverdiyev, "Azərkimya” Dövlət Şirkətinin prezidenti Fikrət Sadıqov, sabiq
maliyyə naziri Fikrət Yusifov, Milli Elmlər Akademiyasının prezidenti Eldar
Salayev «cinayətkar şəbəkə»nin nümayəndələri kimi həbs olundular.
Baş Prokurorluq, Milli Təhlükəsizlik və Daxili İşlər nazirliklərinin ictimaiyyətə
açıqladıqları birgə məlumatda həbs olunanların dövlət çevrilişinə cəhd, dövlət əmlakını
talamaları, səlahiyyətlərindən sui-istifadə etmələri qeyd olunurdu. Həmçinin
bildirilirdi ki, həmin şəxslər hakimiyyətin zorla ələ keçirilməsi üçün Rəsul
Quliyevlə cinayət əlaqəsinə giriblər. «Dövlət çevrilişi»ndə ittiham olunaraq
neçə-neçə insan həbs edildi, vəzifəsindən kənarlaşdırıldı. Hətta «İki Sahil» qəzetinin
baş redaktoru Vüqar Rəhimzadənin qardaşı, Bakı şəhəri Nəsimi Rayon Polis İdarəsinin
rəis müavini İlqar Rəhimzadə polis qüvvələrinin dislokasiyası barədə məlumatları
ADP sədrinin rəssam tanışı Sabir Baxşəliyev verməkdə ittiham olunaraq cəzalandırılıb
.Bunları yazmaqda məqsədim odur ki,mən səxsən bilmək istərdim bu gün biz Cənab
prezident İlham Əliyevin yürütdüyü siyasəti dəstəklədiyimiz üçün yoxsa Şəhid
ailəsini müdafiə etdiyimiz üçün, "İki Sahil" qəzetinin baş redaktoru
Vüqar Rəhimzadə Mətbuat Şurasında yaradılmış komissiyaların başında oturaraq
bizi (nia.az saytını) qara siyahıya salıb? Hakimiyyətə qarşı radikal mövqeydə
dayanan Rəhimzadələrin bu gün bəzi rüşvətxor məmurların sifarişlərini icra edərək,
Prezidentin siyasətini dəstəkləyən saytlara qara yaxmaları və jurnalistləri
şantaj etmələri cavabsız qalmamalıdır.Dövlətə və ölkə başçısına xəyanət edənlərin
bu gün Mətbuat Şurasında bir qrup yaradaraq sayt rəhbərlərini ləkələməyə cəhd
etmələri diqqətdən yayınmamalıdır. Korrupsiyalaşmış bir qurumun başında
duranlar cəmiyyətdə nifrət qazanıblar və onlar kirli pullarla dövlətin
maraqlarına qarşı planlarını davam etdirirlər.
Mən sayt rəhbərlərindən, tanınmış simalardan Mətbuat Şurasının qanunsuz fəaliyyətini
ifşa etmək üçün dəstək istəyirəm. Qoy hamı bilsin ki, böyük var dövlət sahibi
olan MŞ-nın saxtakar, mətbuatdan bixəbər üzvləri şuranı necə korrupsiyalaşmış
quruma çeviriblər.
Bəhruz Əliyev
Nia.az saytının baş redaktoru
Вернуться назад
|