Uşaqları qış xəstəliklərindən qorumağın 7 YOLU
22-01-2016, 13:39.
Soyuq qış aylarında insanlar arasında xəstələnmə halları daha çox artır. Özəlliklə yuxarı tənəffüs yolu xəstəlikləri uşaqlarda daha ağır yaşanır. Bununla bağlı uşaq xəstəlikləri üzrə mütəxəssislər valideynləri bağça və məktəblərdə çox diqqətli olmağa çağırır.
Bildirək ki, qış aylarında qapalı yerlərdə daha çox vaxt keçirmək mikrobların daha sıx yayılmasına səbəb olur.
Aile.lent.az uşaqları qış xəstəliklərindən qorumağın 7 yolunu təqdim edir.
Hansı uşaqlar daha çox risk altındadır?
Həm virus, həm də bakterial xəstəliklər baxımından qələbəlik yerlərə girən, bağçaya və məktəbə gedən, məktəbə, bağçaya gedən bacı, ya qardaşı olan uşaqlar, erkən doğulan, ana südü içməyən, evdə siqaret tüstüsünə məruz qalan, qidalanma pozuntusu, ürək xəstəliyi, astma, şəkər xəstəliyi, xroniki ağciyər xəstəliyi, xərçəng müalicəsi alan uşaqlar.
Uşaqları qış xəstəliklərindən qorumağın 7 yolu
1. Normal doğuş
Uşağın infeksiyalara qarşı qorunması hələ doğuşla birlikdə başlayır. Özəlliklə, normal doğuşla dünyaya gələn körpələr anadan faydalı bakteriyaları alaraq həyata 1-0 öndə başlayır.
2. Ana südü
Uşaqları infeksiyalara qarşı qorumaq ana südü verməklə davam edir. Ana südü qəbul edən körpələrin orta qulaq infeksiyası, sətəlcəm, ishal kimi bir çox xəstəlik keçirmədiyi və ya daha yüngül halda keçirdiyi deyilir. Doğumdan etibarən ilk 6 ay tək başına, daha sonra tamamlayıcı qidalarla bərabər 2 yaşına qədər ana südü verilməsi körpənin xəstəliklərə qarşı dözümlü olmasını təmin edir.
3. Qidalanma
Ana südü ilə yanaşı körpənin düzgün qidalanması bədən müqavimətinin təmin edilməsi və infeksiyalara yoluxmaması baxımından çox vacibdir. Uşaq və körpənin qidalanmasında yağ, protein, karbohidrat və vitamin-mineral tərkibli hər yaşa uyğun qida olmalıdır.
Hər yaş qrupu uşaq üçün mütləq hər gün süd, süd məhsulları, yumurta, ət, meyvə tərəvəz, taxıllar, paxlalılar yemək lazımdır. Özəlliklə yumurta uşaqlar üçün ən dəyərli protein qaynağıdır. Gündəlik yeyilməlidir. Ət məhsullarından isə balıq və qırmızı ət yeyilməlidir.
Somon, soyuq su balıqları bol miqdarda omega 3 yağ tərkibli olduğundan həftədə 2 dəfə yeyilməsi məsləhətdir. Omega 3 balıq yağları uşaqlarda bədən müqavimətini artırmaq və göz sağlamlığı üçün də çox vacibdir. Yetərli balıq yeməyən uşaqlara omega 3 balıq yağı tərkibli preparatlar verilə bilər.
4. Əl yumaq
Tənəffüs yolu xəstəliklərinin, xüsusən bağçaya və məktəbə gedən uşaqlar sırasında sıx görülməsi ehtimalını düşünsək, uşağa gigiyena qaydalarına diqqət etmək və əl yumaq vərdişlərini yiyələndirmək vacib sayılır. Unutmayın ki, virus və bakteriyaların bədənə ən asan keçid yolu əllərdir. Əsasən də yeməkdən əvvəl və tualetdən sonra əl yumağı mütləq öyrədin.
5. Siqaretdən qorunmaq
Evdə siqaret çəkilməməli və uşaqlar siqaret çəkilən yerlərdə olmamalıdır.
6. Peyvəndlər
Peyvəndlənmə uşaqları infeksiyalardan qoruyan ən önəmli silahdır. Hər uşağa vurulan peyvəndlərdən başqa rotavirus (ishal peyvəndi), qrip peyvəndi, menigokok (meningit əleyhinə), böyük uşaqlar üçün isə uşaqlıq xərçəngi əleyhinə peyvənd vurulmalıdır.
7. D vitamini
Qışda gözdən qaçan bir hal da D vitamin əskikliyidir. 1 yaşa qədər uşaqlar mütəmadi olaraq D vitamini qəbul etməlidir. D vitamin əskikliyində sümük və diş zəifləyir, həm də yuxarı və alt tənəffüs yolu infeksiyalarına yoluxma halı artır.
Ən önəmli qaynağı günəş olduğu üçün gündə ən az 15 dəqiqə qollar və üzə günəş vurması yetərlidir. Qışda isə günəş olmadığı üçün gündəlik 400-800 unit D vitaminin damcı ilə qəbul edilməsi onları xəstəliklərdən qoruyacaq.(lent.az)
Вернуться назад