Müsavat başqanı: "İlham Əliyev bilməlidir ki, Rəsulzadə zamanında…”

 

İlham Əliyev bilməlidir, bilməyə borcludur ki, Rəsulzadə və silahdaşları Azərbaycan Xalq Cümhuriyyətini elan edəndə ökənin bütün şimal-şərq əraziləri Bakı, Quba, Şamaxı, İsmayıllı, Ağsu, Kürdəmir də daxil olmaqla erməni-rus hərbi birləşmələrinin nəzarəti altında idi.

 

Bu ərazilərdə etnik təmizləmə siyasəti aparılmış, 400 min(!) azərbaycanlı qaçqın yurdlarından didərgin düşüb Göyçay, Ucar, Yevlax ərazilərinə toplaşmışdı.
Qarabağda, Zəngəzurda, Naxçıvanda xalqımızın qanı axıdılırdı.

 

Sonralar Heydər Əliyev tərəfindən Bakıda heykəli ucaldılmış quldur Şaumyanın, digər erməni quldurları Korqanovun, Avakyanın, Emirovun, Hamazaspın rəhbərlik etdiyi daşnak-bolşevik hərbi birləşmələri Azərbaycanın əksər ərazilərini nəzarətə almışdı.

 

Düşmənin niyyəti Qaraməryəm, Müsüslü istiqamətlərindən irəliləyərək Göyçayı, Yevlaxı, Ucarı işğal etmək, Gəncə yolunu açmaq, Gəncəni işğal etmək və bununla da Azərbaycanı bitirmək idi.

 

Bolşevik Rusiyası və başqa dünya gücləri ilə razılığa gələrək məqsədlərinə çox yaxınlaşmışdılar.

 

Cənubi Qafqazda nəinki Azərbaycan adlı dövlətin olması, hətta xalqımıza başqa dövlətlərin ərazisində hər hansı muxtariyyətin verilməsi şübhə altına alınmışdı.

 

Belə bir dövrdə nəyi nə vaxt və necə etmək lazım olduğunu yaxşı bilən Rəsulzadənin, onun silahdaşlarının düzgün daxili və xarici siyasəti nəticəsində Azərbaycanı xilas etmək mümkün oldu.

 

Cümhuriyyət elan olunduqdan 4 ay keçməmiş Bakı, Şirvan da daxil, Azərbaycanın bütün şimlal-şərq regionları, sonra Qarabağ, Zəngəzur azad edildi.

 

Bakıda, Xankəndidə hərbi paradlar keçirildi.

 

Qurucu babalarımızın, düzgün siyasəti, Müsavat Partiyasının təşkilatçılığı, xalqımızın iradəsi və qardaş Türkiyənin birbaşa yardımı ilə Cənubi Qafqazın əksər ərazilərini əhatə edən 114 min kv. km ərazisi olan Azərbaycan dövləti quruldu.

 

Özü də necə dövlət. Azad, demokratik, hətta müasir dövr üçün dünyada nümunə kimi göstərilə biləcək Azərbaycan dövləti.


 

 

Yazı Müsavat başqanı Arif Hacılının feysbuk səhifəsindən götürülüb.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300