Suriyanın Hələb şəhərinin Raşidin rayonunda təxliyə avtobusları yaxınlığında törədilmiş terror ilə bağlı yeni görüntülər ortaya çıxıb.
Musavat.com Türkiyə mətbuatına istinadən xəbər verir ki, görüntülərdə suriyalı müharibə foto-reportyoru Abd Alkader Habanın kamerasını kənara qoyub, yaralılara kömək etdiyi əks olunub. O, ağlaya-ağlaya uşaqları ambulanslara daşıyıb.
"Uşaqlar gözümün qarşısında ölürdü. Kameralarımızı buraxıb, həmkarlarımla köməyə qaçdıq. Orada yaşadıqlarımız sözlərlə təsvir edilə biləcək kimi deyil”,- deyə Haba bildirib.
Qeyd edək ki, hadisə nəticəsində 68 nəfərii uşaq olmaqla, 126 nəfər həlak olub.
Könül, musavat.com