İran ədliyyəsi islahatçı "Bahar” qəzetini hakimiyyət əleyhinə "təbliğat yaymaqda” suçlayaraq qadağan edib.
"Ədliyyədəki etibarlı mənbə”nin bir xəbər agentliyinə bildirdiyinə görə, "Bahar” yanvarın 3-dən dərc oluna bilməyəcək.
Mənbə bildirib ki, "qəzet İslam respublikasının əsaslarına zərbə vuran kontent dərcinə” görə qadağan olunub və qəzetin işinə məhkəmə baxacaq.
Jurnalistləri Müdafiə Komitəsi (CPJ) İranı ötən il ən çox senzura tətbiq etmiş 10 ölkə siyahısına salıb.
Son illər bu ölkədə onlarla nəşr ya müvəqqəti dayandırılıb, ya da bağlanıb ("Azadlıq" radiosu).
