Şəbəkə və kamança. Bu iki sənət növünün bir-birinə heç bir uyğunluğu yoxdur. Ancaq, daim yeniliklərlə çıxış edən Şəkinin şəbəkə ustaları şəbəkədən kamança hazırlayıblar.

ARB Şəki xəbər verir ki, sənətkar bu yeniliyin davamının da gələcəyini, hətta trio hazırlayacağını da bildirib.

Hələ 15 yaşında olarkən bu sənətə ömrünü bağlayan Hüseyn usta hər zaman yeniliklər axtarışında olduğunu deyir. Elə məhz bu axtarışlar şəbəkədən kamançanın yaradılmasına səbəb olub. Azərbaycan muğam ifaçılığının, həmçinin tar ifaçılığı sənətinin UNESCO-nun Qeyri-Maddi Mədəni İrs üzrə Reprezentativ Siyahısına daxil edilməsindən sonra sənətkarda belə bir ideya yaranıb.

Hüseyn Hacımustafazadə - Şəbəkə ustası: "Kamançanın çanaq hissəsini Parisdə hazırlamışdım. Oradakı yerli sakinlər və qonaqlar bunu canlı olaraq gördülər. Bu çanağın kamançada istifadə edilməsi ideyasıda elə orda gəldi".

Kamançanın hazırlanmasına iki ay vaxt sərf edən usta hissələri yapışqan və mismardan istifadə olunmadan, özünün ixtira etdiyi üsulla bir-birinə birləşdirilib. Bununla da qədim musiqi alətimizə yeni bir forma, gözəllik verib. Kamançanın çanaq hissəsini istənilən vaxt sökmək və yenidən yığmaq mümkündür.

Hüseyn Hacımustafazadə - Şəbəkə ustası: "Kamançanın hazırlanması üçün 600-dən artıq detal hissə və rəngli şüşədən istifadə edilib. Hər bir hissənin hazırlanması üçün 8, 12 dəfə əməliyyat gedir. Bu iş prosesi 6 min əməliyyat deməkdir".

Hüseyn ustanın musiqi alətləri düzəltmək sahəsində təcrübəsi olmadığı üçün kamançanın digər hissələrinin hazırlanmasında o peşəkar tar ustasının köməyindən istifadə edib.

Hüseyn usta hazırda tar və dəfin hazırlanması üzərində iş aparır. Bunun üçün gündə azı 8-9 saat vaxt sərf edir. Onlar da hazır olduqdan sonra Azərbaycanın muğam üçlüyü tamamlanmış olacaq. Məqsəd qədim musiqi alətlərimizi təbliğ etmək, Azərbaycanda keçiriləcək İslam Həmrəyliyi oyunlarında sərgiləməkdir.

 

Uluyol.info

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300