Bu gün Sumqayıtda görnməmiş bir izdiham yaşandı.
Vətən uğrunda gedən döyüşlərdə Sumqayıtın Şəhid olmuş iki övladı torpağa tapşırıldı.
Yüzlərlə insan şəhidləri son mənzilə yola salmaq üçün Sumqayıtın kücələrində yürüş etdilər, "Qarabağ bizimdi, bizim olacaq”, "Şəhidlər ölməz, Vətən bölünməz”, "Azərbaycan!” şüarlarını səsləndirdilər.
Mərasimdə qatılan gənclərin coşqusu, onların hər an döyüşə hazır olmalarından xəbər verirdi.
Yerli sakinlərlə bərabər, ətraf rayonlardan da şəhidlərlə vidalaşmaq üçün gələnlər vardı. Mərasimdə Müsavat Partiyasının Divan üzvləri İkram İsrafil, Vəfa Cümşüdlü, Razim Əmiraslanlı da iştirak etdilər.
Şəhidlərdən biri Polkovnik Raquf Orucov, digəri isə adını dəqiqləşdirə bilmədiyimiz başqa şəhidimizdi. "Basta”ya verilən məlumata görə, ikinci şəhidin nəşi dəfn ərəfəsində polkovnikin tabutunun yanına gətirilərək torpağa tapşırılıb.
Onlar Sumqayıtdakı Şəhidlər Xiyabanında əbədiyyətə qovuşublar.
Allah rəhmət eləsin !
