Bu gün Qarabağ döyüşlərində qəhrəmancasına həlak olmuş şəhidimiz Masallı rayonunun Kalinovka kənd sakini Nurlan Bayram oğlu Əsgərli doğma kəndində torpağa tapşırılıb.
Şəhidlə vida mərasimində gerçəkdən böyük izdiham yaşanıb. Düşmən qərargahının vurulmasında şücaət göstərərək canından keçmiş qəhrəman əsgərimiz Nurlan Əsgərlini son mənzilə yola salmaq üçün Masallı sakinləri ayaqdaydı.
Dəfn mərasiminə Müsavat Partiyası Masallı rayon təşkilatının sədri Xasay Fərzulla və bir qrup müsavatçı da qatılmışdır.
Allah rəhmət eləsin!