Baş ağrısının dərmansız həll yolları...
Baş ağrısı səbəbiylə həftədə bir dəfədən çox ağrıkəsici qəbul edənlər belə dərmanlardan uzaq durmalıdır. Çünki beyin ağrıkəsiciyə öyrəşəndə onu daim istəyir, tapa bilməyəndə isə başınız ağrıyır.
Baş ağrılarını aradan qaldırmağın təbii üsulları ilə bağlı sınanmış üsulları təqdim edirik:
Başını sarın
Başınızı elastik bantla sıxaraq sarımaq beyin damarlarınızı daraltmağa və ağrıları aradan qaldırmağa kömək edəcək.
Yatmağa çalışın
Çox və ya az yatmaq da baş ağrısına səbəb olur. Bu səbəbdən bədəninizdə hər şeyi balanslı etməli, eyni zamanda yuxunuzu da tarazlaşdırmalısınız. Xüsusilə baş ağrılarından şikayət edənlər ağrılarının həftə sonu və ya həftənin əvvəlində daha çox olduğunu bildirirlər. Bunun ən mühüm səbəbi həftə sonları yuxu saatlarımızın dəyişməsi, gec yatıb gec oyanmamız və daha uzun yatmağımızdır. Buna görə də müntəzəm yatmaq vacibdir. Ağrı başlayan zamanı ağrının şiddəti ilə yatmaq asan olmaya bilər. Ancaq sakit və qaranlıq bir otağa çəkilərək özünüzü yatmağa məcbur edə bilərsiniz. Bu ağrınızı yüngülləşdirəcək.
Bir fincan qəhvə için
Bir fincan qəhvədə 75 mq, bir fincan çayda 50 mq, şokoladda isə 25 mq kofein var. Kofein 100-150 mq-a qədər istehlak edildikdə çox faydalı olduğu halda, 300 mq-dan artıq olduqda zərərlidir. Eyni təsir baş ağrılarına da aiddir. Onun iki fərqli ölçüsü var. Ağrı başlayanda 1 stəkan kofe içdiyiniz zaman kofein ağrı kəsici kimi beyin damarlarını sıxaraq ağrılarınızı yüngülləşdirəcək.
Səs-küydən uzaqlaşın
Migren və ya gərginlik tipli baş ağrıları yaşayanlar səs və işıqdan çox narahat olurlar. Ağrı başlayan zaman səsin sizi narahat etmədiyini düşünsəniz belə, sakit bir mühit ağrınızı yüngülləşdirəcək.
Çölə çıxın
Baş ağrıları yaşayanlara tövsiyə edilən əsas rahatlaşdırıcı üsul çölə çıxmaqdır. Açıq havada müntəzəm məşq ağrının öhdəsindən gəlmək üçün ən vacib müalicədir. Tez-tez fasilələr olmadan sürətli addımlarla yerimək orqanizmə endorfin dediyimiz öz ağrıkəsicisini buraxmağa imkan verir. Bununla belə, idmanı təsadüfi bir fəaliyyətdən çox həyat tərzinə çevirmək ağrı ilə mübarizədə çox vacibdir.
Susuz qalmayın
Beynimizin 70%-i sudur. Beyin susuzluq hiss etdikdə təhlükə siqnalı verir və baş ağrısı yaranır. Mütəmadi olaraq balanslaşdırılmış su istehlakı ağrınızın yaranmasının qarşısını alacaq.
