Müsavat başqanı yenidən Avropaya dəvət olundu – Divanın gündəliyi

 

Noyabrın 28-də Müsavat Partiyası Divanının iclası keçirilib. Partiyadan verilən məlumata görə, iclasda əvvəlcə görülən işlər və keçirilən tədbirlər barədə məlumat dinlənilib.

Məclisin son sessiyasında keçirilən seçkilərin nəticələri müzakirə olunub, Müsavatın demokratik prosedurlara əməl etməsinin cəmiyyətdə rəğbətlə qarşılandığı bildirilib.

Rayon təşkilatlarında hesabat-seçki yığıncaqlarının keçirilməsi ilə bağlı tapşırıqlar verilib.

Müsavatın Mərkəzi Qərargahında Şəhidlər guşəsinin yaradılması haqqında qərar qəbul olunub.

Partiya başqanı Arif Hacılı beynəlxalq tədbirlərə dəvət olunduğunu, bununla əlaqədar yaxın günlərdə Avropanın bir neçə ölkəsinə səfər edəcəyini bildirib.

Naxçıvanda yüz milyonlarla manat büdcə vəsaitinin mənimsənilməsi ölkədə korrupsiyanın tüğyan etməsinin növbəti sübutu kimi qiymətləndirilib.

Azərbaycanla Ermənistan arasında gedən sülh danışıqları prosesinin gedişatı təhlil edib. Qeyd edilib ki, Rusiya və Fransanın müdaxiləsi nəticəsində danışıqlar dalana dirənib.

İclasda Rusiya ordusunun Ukraynada törətdiyi hərbi cinayətlər, İranda dini rejimə qarşı etirazlar və digər məsələlərlə bağlı fikir mübadiləsi aparılıb.

Sonda cari məsələlər müzakirə edilib.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300