Hakimiyyətin İran və Rusiya ilə bağlı bəyanatları saxtadır – Divanın gündəliyi

 

Noyabrın 21-də Müsavat Partiyası Divanının növbəti iclası keçirilib. Partiyanın mətbuat xidmətindən verilən məlumata görə, iclasda əvvəlcə görülən işlər barədə məlumat dinlənilib.

Müsavatın təşəbbüsü ilə İranın Azərbaycandakı səfirliyi qarşısında keçirilən aksiya yüksək qiymətləndirilib. Polis aksiyanı zorakılıqla dağıdıb, Müsavat başqanı Arif Hacılı başda olmaqla, 60-dan çox müxalifətçi saxlanılıb. Buna baxmayaraq aksiya Azərbaycanda və İranda ictimai diqqəti cəlb edib.Divan aksiyada iştirak edən hər kəsə təşəkkür elan edib.

Partiyanın Kəlbəcər rayon təşkilatının Təşkilat Komitəsinin iclası haqda məlumat dinlənilib.

Müsavat Partiyası Məclisinin noyabrın 26-na təyin olunan sessiyasının gündəliyinə dair təkliflər irəli sürülüb.

Ölkədə və dünyada gedən proseslər haqda fikir mübadiləsi aparılıb.

Qeyd edilib ki, Qarabağda tikinti işləri üçün büdcədən külli miqdarda vəsait ayrılmasına baxmayaraq, işğaldan azad olunmuş ərazilərdə çalışan işçilərə aylarla əmək haqqı verilmədiyi, bu sahədə korrupsiyanın tüğyan etdiyi barədə məlumatlar narahatlıq doğurur.

Azərbaycanla Ermənistan arasında sülh sazişinin yubanması və bu dövr ərzində Qarabağda süni surətdə Rusiya icmasının yaradılmasından narahatlıq ifadə edilib.

Birləşmiş Millətlər Təşkilatında həm İran, həm də Rusiya ilə bağlı qətnamələr qəbul olunarkən rəsmi Bakının neytral qalması pislənilib. Azərbaycan hakimiyyətinin İran və Rysiya ilə bağlı son bəyanatlarının saxta olduğu və daxili auditoriyaya hesablandığı vurğulanıb.

Sonda cari məsələlər müzakirə olunub.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300