Hakimiyyət Rusiyadakı soydaşlarımızın Ukraynaya qarşı müharibəyə cəlb edilməsinə imkan verməməlidir – Müsavatdan tələb

 

Sentyabrın 26-da Müsavat Partiyası Divanının növbəti iclasında əvvəlcə ötən həftə ərzində görülən işlər barədə məlumat dinlənilib.

Partiyanın mətbuat xidmətindən verilən məlumatda bildirilir ki, Müsavat başqanı Arif Hacılı, İcra Aparatının rəhbəri Gülağa Aslanlı, Divan üzvü Mustafa Hacıbəyli və partiyanın bir qrup fəalı 12-14 sentyabr döyüşlərində qəhrəmancasına şəhid olmuş Sərxan Ömərov və Turan Məhərrəmovun məzarları ziyarət edib, onların ailə üzvlərinə və yaxınlarına başsağlığı veriblər.

Müsavatın Xaçmaz rayon təşkilatında keçirilən hesabat-seçki konfransı, eləcə də Müsavat Gənclər Təşkilatının iclası barədə məlumat dinlənilib.
Digər toplantıların təşkili ilə bağlı tapşırıqlar verilib.

Rusiyada hərbi səfərbərlik elan olunması və buna qarşı etiraz aksiyalarının mümkün nəticələri barədə fikir mübadiləsi aparılıb.

Azərbaycan hakimiyyətindən Rusiyada yaşayan soydaşlarımızın məcburi olaraq Ukraynaya qarşı işğalçı müharibəyə cəlb edilməsinin qarşısını almaq üçün təsirli tədbirlər tələb edilib. Ukraynanın işğal olunmuş ərazilərində qanunsuz referendumların keçirilməsi pislənilib, onların nəticərinin tanınmamasına çağırış edilib.

İranda insan haqları və milli hüquqların pozulması pislənilib, etirazçılara qarşı qəddarlığa son qoyulması tələb olunub.

Sentyabrın 27-də saat 13:00-da şəhidlərin anım günü ilə bağlı İkinci Fəxri Xiyabanın ziyarət edilməsi qərara alınıb.

Sonda cari məsələlər müzakirə olunub.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/domains/uluyol.info/public_html/index.php:300 Stack trace: #0 {main} thrown in /home/uluyol/domains/uluyol.info/public_html/index.php on line 300