"Səfər Mehdiyev istefa verməlidir” -Ekspert

Dövlət Gömrük Komitəsinə əməlli başlı çaxnaşma düşüb. Komitənin məsul şəxsləri arasında həbslər başlayıb. Artıq 5 vəzifəli şəxs rüşvət alarkən saxlanılıb. Ekspertlərin fikrincə, həbslər müvafiq komitədə islahatların anonsundan xəbər verir. Hansı ki, islahatlar çərçivəsində komitənin ya hansısa nazirliklələrə bilrəşdirilməsi, ya da rəhbərlikdə istefaların olacağı gözlənilir. Son vaxtlar bu qurumla bağlı mətbuatda çoxsaylı şikayətlər və neqativ fikirlər yayılır. Şikayətlərdə komitə rəhbəri Səfər Mehdiyevin yarıtmaz fəaliyyəti tənqid olunur və istefası tələb edilir. Səfər Mehdiyev isə rəhbərlik etdiyi qurum daxilindəki həbslərlə bağlı hələlik susqunluq nümayiş etdirir. Halbuki, bir müddət əvvəl o, mətbuat vasitəsilə bəyan etmişdi ki, gömrükdə rüşvət və ya neqativ hallarla bağlı fakt olsa, özü istefa verəcək.

Məsələ bağlı iqtisadçı-ekspert Natiq Cəfərli Bizim.Media-ya açıqlamasında Dövlət Gömrük Komitəsində bundan sonra da həbslərin olacağını bildirib:

"Çünki gömrük orqanlarının yaranma və işləmə fəlsəfəsi Azərbaycanda düzgün ayarlanmayıb. Gömrük orqanları daxili istehsalçıları qorumaq üçün yaradılmış bir orqandır. Daxili istehsalçılar bir kənarda qalıb, ölkədə istehsal olunan, olunmayan bütün məhsullara çox yüksək gömrük rüsumları var. Gömrüyün ən çox topladığı vəsait 18 faizlik əlavə dəyər vergisidir. Ümumiyyətlə, gömrüyün ayrıca bir komitə kimi fəaliyyət göstərməsinə ehtiyac yoxdur. Əgər hökumət köklü islahatlar aparıb Gömrük Komitəsinin ya Maliyyə Nazirliyi, ya da İqtisadiyyat Nazirliyinin tərkibində bir departament olaraq fəaliyyət göstərməsini istəyirsə, buna uyğun struktur islahatları aparılmalıdır”.

Ekspert bildirir ki, əslində normal ölkələrdə belə həbslər olan zaman qurum rəhbərliyi özü istefa verir:

"Bu qədər korrupsiya halları və narazıçılıq varsa, Gömrük Komitəsininn rəhbəri istefa verməlidir. Təssüf ki, Azərbaycanda istefa mədəniyyəti olmadığından, bunu görmürük. Bu baxımdan Səfər Mehdiyevin özünün istefaya getməsi məntiqli olar. Amma qurumun fəaliyyətinin fəlsəfəsinin dəyişməsi də vacibdir. Gömrük Komitəsinin müstəqil qurum kimi qalmasının Azərbaycan indiki reallığında heç bir əhəmiyyəti yoxdur”.

Natiq Cəfərli həbslərin gömrük rüsumlarına təsiri məsələsinə də münasibət bildirib. O, deyib ki, problem gömrük rüsumlarının 15 pilləli sistemdə olmasındadır:

"Azərbaycanda gömrük rüsumları 0-dan 15 faizə qədərdir və insan faktorundan asılı olaraq faiz dərəcələri dəyişdirilir. Bu, doğru deyil. Çox yayğın və korrupsiyaya yol açan bir sistemdir. Ona görə də Azərbaycanda gömrük tarifləri ən çox üçpilləli olmalıdır. Məsələn, 0,5-15 faiz civarında olmalıdır ki, gömrük rüsumları ilə bağlı problem olmasın”.

Xatırladaq ki, Baş prokuror yanında Korrupsiya qarşı Mübarizə Baş İdarəsinin əməkdaşları Bakı Baş Gömrük İdarəsində əməliyyat keçirib.

Əməliyyat nəticəsində idarənin bəzi vəzifəli şəxsləri rüşvət alarkən saxlanılıb. Birgə əməliyyat-axtarış tədbirləri zamanı Bakı Baş Gömrük İdarəsinin Xüsusi Gömrük prosedurları şöbəsinin rəisi Aydın Eylazov, həmin struktur qurumun Gömrük prosedurları və ödənişləri şöbəsinin baş inspektorları Elmar Mirzəyev və Emin Xəlilov, "İpək Yolu" gömrük postunda inspektor işləyən Mirağa Ağayev, habelə "Global Broker" MMC-nin direktoru olmaqla "D2D Logistics" MMC-də gömrük işləri üzrə mütəxəssis işləyən Ceyhun vəzifə səlahiyyətlərindən sui-istifadə etdikləri müəyyən olunub.

Qeyd olunanlarla bağlı Korrupsiya qarşı Mübarizə Baş İdarəsində Cinayət Məcəlləsinin 311.3.2-ci (təkrar rüşvət alma) maddəsi ilə cinayət işi başlanıb. Toplanan sübutlar əsasında adları çəkilən 5 nəfər saxlanılıb.

 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300