Rusiya sülhməramlıları terrorçu dəstəni Qarabağa buraxıblar

 

Martın 11-də Ermənistanın rəsmi "Armenpress” agentliyi Qarabağ separatçılarının lideri Araik Arutyunyanın martın 10-da N saylı hərbi hissənin hərbi qulluqçularını qəbul etməsi və onlara "dövlət mükafatları” təqdim etməsi barədə məlumat dərc edib.

 

Maraqlıdır ki, mükafatla təltif edilən bütün şəxslər Azərbaycanda terrorçu kimi tanınmış dəstənin üzvləridir. Bu dəstənin komandiri Vova Vartanov barəsində axtarış elan edilib və ona qarşı bir neçə maddə ilə cinayət işi açılıb.

 

Arutyunyan bu hərbiçilərlə görüşdə dəstə üzvlərinə təşəkkürünü bildirib. Onun sözlərinə görə, məhz onların sayəsində Azərbaycan Silahlı Qüvvələri Qırmızı Bazar qəsəbəsini ələ keçirə bilməyib.

 

Dərc edilmiş fotoşəkildən göründüyü qədər, ən az 10 hərbiçi mükafat alıb. Bu zaman belə bir sual yaranır: Rusiya sülhməramlıları bu hərbiçiləri Qarabağa necə buraxıblar? Rəsmi Bakı sülhməramlıların rəhbərliyi qarşısında bu sualı qaldırmalı və izahat tələb etməlidir.

 

Maraqlıdır ki, Qarabağda hərbi əməliyyatlar zamanı Vartanovun könüllülərdən ibarət batalyonu (350 nəfər) Ermənistan Silahlı Qüvvələrinin ştatına keçirilib. Bu hərbi hissəyə ayrıca nömrə verilib.

 

* Noyabrın 3-də Azərbaycan Baş Prokurorluğu VOMA təşkilatını və onun lideri Vova Vartanovu Qarabağda ermənilərin tərəfində döyüşən terrorçular adlandırıb.

 

Adı çəkilən təşkilatın üzvlərinin Azərbaycan vətəndaşlarına qarşı terror fəaliyyətində iştirak etdiyi, Azərbaycanın müxtəlif bölgələrində çoxsaylı cinayətlər, partlayışlar, yanğınlar və xüsusi amansızlıqla digər əməllər törətdiyi müəyyən edilib.

 

Faktla bağlı Azərbaycan Baş Prokurorluğu tərəfindən Cinayət Məcəlləsinin 100.2 (təcavüzkar müharibə aparma), 120.2.1 (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən qəsdən adam öldürmə), 279.3 (qanunvericilikdə nəzərdə tutulmayan silahlı birləşmələr yaratma), 318.2-ci (Azərbaycanın dövlət sərhədini qanunsuz olaraq keçmə) və digər maddələri ilə cinayət işi açılıb, bu barədə Baş Prokurorluğun məlumatında deyilir.

 

Öz növbəsində, ermənilər VOMA-nın sadəcə olaraq gənclərin tərbiyəsi ilə məşğul olan hərbi vətənpərvərlik birliyi olduğunu iddia edirlər.

 


 

Sayt haqqında

"Kütləvi informasiya vasitələri haqqında Azərbaycan Respublikasının Qanunu"na əsasən KİV qanunla qadağan olunmuş mənbələr istisna olmaqla, istənilən vəsaitlər hesabına maliyyələşdirilə bilər (Maddə 6-1), KİV üzərində dövlət senzurasına, habelə bu məqsədlə xüsusi dövlət orqanlarının və ya vəzifələrin yaradılmasına və maliyyələşdirilməsinə yol verilmir (Maddə 7), KİV cəmiyyətdəki iqtisadi, siyasi, ictimai və sosial durum haqqında, dövlət orqanlarının, bələdiyyələrin, idarə, müəssisə və təşkilatların, ictimai birliklərin, siyasi partiyaların, vəzifəli şəxslərin fəaliyyəti barədə operativ və doğru-dürüst məlumatlar almaq hüququna malikdirlər (Maddə 8)

ULU YOL xəbər agentliyi 2015
Təsisçi və Baş redaktor:   Saday Fərəcov
Tel:                    +994 70 215 78 15
E mail:                    uluyol.az@gmail.com
Hazırladı: Vüsal Əli

Fatal error: Uncaught Error: [] operator not supported for strings in /home/uluyol/public_html/index.php:300 Stack trace: #0 {main} thrown in /home/uluyol/public_html/index.php on line 300